Кордкашии се ҷавони пойтахт ба сари марди 30-сола

Се сокини ҷавони шаҳри Душанбе як сокини 30-солаи пойтахтро латукӯб карда, ҳамчунин бо корд захмӣ кардаанд.

Бино ба иттилои ВКД, гумонбаршудагон, дар маҳаллаи Зарафшони пойтахт ҷабрдидаро лату кӯб карда, бо корд як маротиба ба қафаси сина ва маротибаи дигар ба китфи чапи охирин задааст.

Дар натиҷа марди ҷабрдида ҷароҳатҳои гуногуни ҷисмонӣ бардошта, дар беморхона бистарӣ гаштааст.

Манбаъ мегӯяд, нисбати далели мазкур парвандаи ҷиноятӣ оғоз гардида, тафтишоти ҳодиса идома дорад.

 

Шояд шумо суол ё назаре доред?